Afmæli-Grundarfjörður-Búðardalur.

Á laugardaginn fórum við í afmæli hjá Íngu mágkonu,það var matarveisla með öllu tilheyrandi og heppnaðist mjög vel. Það hafa sennilega verið þarna 70-80 manns í sínu besta spússi. Eftir veisluna var stefnan tekin á Grundarfjörð,og með í för voru Eva,Hákon Kristberg og að sjálfsögðu ég.Vorum við komin þangað upp úr miðnætti,þar var mikið fjör og margt fólk.Hittum við þar Kristborgu og Sigurjón. Vagninum var tjaldað í hvelli og Kristberg borin til hvílu en hann hafði sofnað á leiðini. Eva skellti sér á röltið með fornum vinkonum en við feðgar urðum eftir,enda orðnir ferðalúnir. Á Sunnudeginum var tekið saman í hasti enda nálgaðist mikið og dökkt rigningarský og ekki að spyrja að,rétt náði vagninum niður og það fór að rigna. Við ákváðum að fara til Búðardals og kíkja á Kalla og Kollu sem þar búa. Kalli var nú bara ein í kotinu með barnið og hundinn,en Kolla var á spítala. Snöruðum í okkur nokkrum kaffi og svo var lagt af stað heim á leið og farið Bröttu brekku. Í Borgarnesi stoppuðum við í Hyrnuni og fengum okkur að borða,og viti menn er við komum út var 40 manna rúta komin hálf upp á tjaldvagninn,já við erum alltaf jafnheppinn. En það skrítna var að lítið sá á vagninum en rútan var töluvert skemmd,Lögreglan kom og tók myndir og skýrslu af rútubílstjóranum sem var reynslulítil únglíngur og í órétti þar sem við vorum í stæði og kyrrstæð. Við vorum svo komin heim um kl 8 búin á sál og líkama eftir þennan sprett.

                                                                Jobbi