Háir vextir og uppgreiðslugjald lána.

Neysla og græðgi er það sem heldur uppi háum vöxtum og veldur hækkunum þeirra.Það eru engar hömlur á aðgengi að lánsfé,innlendu sem erlendu og framkvæmdagleði landans þvílík að hvergi þekkist. Hér er almennt gott að lifa,nóg vinna og góð laun.En í staðin fyrir að greiða niður skuldir er bara fjárfest meira,kaupa stærra hús,stærra sjónvarp,fara erlendis og svo mætti lengi telja. Við sem þegnar í þessu landi stjórnum þessu allt of mikið sjálf og inn á þetta spila bankarnir og lána þér ef þú ert í lagi að þeirra mati.Margir halda að það sé bara tekið uppgreiðslugjald af lánum hér. Þetta er rangt,þetta er gert allstaðar í heiminum og er bara tekið af lánum með föstum vöxtum. Þetta er vegna þess að peningastofnanir lána hver annarri og ef þú tekur lán með föstum vöxtum,þá tekur bankinn þinn lán annarsstaðar með föstum vöxtum.Og ef þú vilt borga lánið upp þá rukkar bankinn þig um uppgreiðslugjald,því hann er rukkaður um það af þeim sem hann tók lánið hjá svo þú gætir fengið lán.  Ég er að smiða 70 hesta hesthús fyrir ónefndan mann,já það þarf góðar og stórar geymslur fyrir matinn. En ég skoðaði annað hesthús fullbúið sem útgerðarmaður lét reisa fyrir sig og er það fyrir 12 hesta. Innréttingarnar kostuðu 4 miljónir,það varð að vera rústfrítt járn í stíum og þær svo klæddar með sérvalinni eik,parketlögð kaffistofa og mahony hurðar. Er þetta ekki komið út í tóma þvælu?Tekur hrossið eftir því hvað er í kringum það? Svona fólk heldur uppi háum vöxtum.

                                                          Jobbi

Athugasemdir

[Gulli litli, 4.11.2007 kl. 12:03]

Já taktu á þessu bananalýðveldi þarna heima Jobbi!!!!!

[Ari Guðmar Hallgrímsson, 4.11.2007 kl. 12:49]

Það sakar ekki að búa vel um hrossaketið frændi.

kveðja