Svívirðilegar aðstæður allt of margra.

Nú eru að koma jól.Flestir mjög spenntir,farið búð úr búð keyptar gjafir og góður matur. Heima er skreytt í bak og fyrir,inni sem úti. Ekkert til sparað enda flestir með nóg handa á milli. En,það er til fólk,einstaklingar og fjölskyldur sem eiga ekki neitt,nema frá degi til dags.Sumir eru aldraðir,aðrir öryrkjar. Þá koma lífeyrissjóðir með skerðingar og TR með bakreikninga og allt í einu er ekkert í buddunni.Það er ekkert sárara en það að geta ekki glatt sína nánustu og gert sér dagamun í mat þessa hátíðisdaga ljóss og friðar. Ég þekki þetta sjálfur,einu sinni átti ég ekki neitt en hef það gott í dag.Það er málið,þegar við höfum það gott gleymum við okkar minnsta bróður.Ég þekki fjölskyldu sem á um sárt að binda,ég er búin að gefa henni 20.000. svo það létti á henni og eflaust geri ég meira fyrir aðra.Mig langar að biðja ykkur sem þetta lesið,ef þið vitið af einhverjum sem er í nauð,hjálpið honum það þarf ekki að vera dýrt,gefið börnum gjafir sem ekkert fá.Okkur líður svo miklu betur á eftir og þannig get ég haldið gleðileg jól en þú?

                                                   Jobbi