Sýndarmennska Samfylkingar.

 Lá ekki afstaða allra fyrir í þessu máli,snerist þetta ekki um umboð sem virðist vera á hreinu?Svandís sem að sjálfsögðu er formaður stýrihóps,sem hún setti saman vill ekki hafa kannski þeirra framburð í skýrslunni vegna þess að þetta var stormur í vatnsglasi og henni til minnkunar.

Tók þetta ínn á Visir.is

 

REI stýrihópurinn ræddi aldrei við Björn Inga Hrafnsson, fyrrverandi borgarfulltrúa, Vilhjálm Þ. Vilhjálmsson, fyrrverandi borgarstjóra, og Hauk Leósson, fyrrverandi stjórnarformann Orkuveitu Reykjavíkur þegar skýrsla um samruna REI og GGE var unnin. Þetta staðfestu þremenningarnir við Vísi í dag. Hins vegar var talað við Guðmund Þóroddsson, forstjóra REI, Bjarna Ármannsson, stjórnarformann REI og Hjörleif Kvaran, stjórnarformann Orkuveitunnar.

Skýrsla stýrihópsins var kynnt á borgarráðsfundi í gær. Í bréfi Svandísar Svavarsdóttur formanns stýrihópsins til borgarinnar segir að hópnum hafi verið falið að gera ítarlega úttekt á aðdraganda og kynningu stjórnar- og eigendafundar Orkuveitu Reykjavíkur 3. október og þeim ákvörðunum sem þar voru teknar er varða sameiningu Reykjavík Energy Invest og Geysir Green Energy. Auk þess hafi stýrihópnum verið falið að koma með tillögur um framtíðarstefnumótun Orkuveitu Reykjavíkur.

„Stýrihópurinn ræddi aldrei við mig. Þeir höfðu sjálfsagt ekki áhuga á að heyra mína hlið á málinu," sagði Haukur í samtali við Vísi. „Ég hefði alveg verið til í að hitta nefndina ef þess hefði verið óskað," sagði Björn Ingi. Að öðru leyti vildi Björn ekki tjá sig um málið.

„Afstaða þeirra lá fyrir og þess vegna þótti ekki vera ástæða til þess að boða þá Vilhjálm og Björn Inga á fund okkar. Þeir höfðu talað skýrt um sína þætti málsins, bæði í fjölmiðlum og í borgarstjórn," sagði Svandís þegar Vísir spurði hana hvers vegna þremenningarnir hafi ekki verið kallaðir á fund nefndarinnar.