Oft ratast kjöftugum satt orð í munn.

Segir Samfylkinguna hanna pólitískar atburðarásir

Sigmundur Davíð Gunnlaugsson, segir Samfylkinguna hanna atburðarásir, hann telur þó ráðherra ekki hluti af bloggherferðinni.

„Mér hefur þótt Samfylkingarfólk leggja helst til mikla áherslu á að hanna umræðu í stað þess að vera í pólitískri umræðu," segir Sigmundur Davíð Gunnlaugsson, formaður Framsóknarflokksins, spurður hvað hann eigi við með að vel skipulagður hópur innan Samfylkingarinnar hafi lagst í rógsherferð gegn sér og unnust hans.

Ummælin lét hann falla í viðtali við Fréttablaðið í morgun en þar segir hann að vel skipualgður hópur hafi unnið að því að tortryggja fjárhagsstöðu hans og unnustu sinnar, sem seldi hlut sinn í P. Samúelsson fyrir nokkru.

Aðspurður um dæmi nefnir hann til að mynda stjórnarmyndunarviðræðurnar í janúar en þá hafi Samfylkingin sakað Framsókn um að ásælast frekari völd og því hafi um tafir verið að ræða. Þetta segir Sigmundur víðsfjarri og beinlínis þveröfugt við vilja Framsóknar, þeir sækist engin völd að sinni.

„Og þetta er ekki aðallega hvað mig varðar og fjármálin, sem hafa verið aðalefnið í þessari hönnuðu umræður, heldur var veirð að reyna tengja mig og flokkinn við gömul öfl," segir Sigmundur og bætir við að þungi þessara umræðu hafi verið hjá Samfylkingunn.

Sigmundur segist hafa orðið fyrir miklum vonbrigðum með pólitíska umræðu eftir að hann upplifði stjórnarmyndunarviðræðurnar frá fyrstu hendi. Hann segir umræðuna oft hafa verð villandi og í raun orðið til þess að hann efast mun frekar um alla opinbera umræður varðandi stjórnmál þessa daganna. Hann segir umræðuna hannaða eftir forskrift flokkanna og tekur fram að þar eigi fleiri flokkar hlut að máli heldur en bara Samfylkingin.

Spurður hvort það hrikti í stoðum samstarfsins, segir Sigmundur svo ekki vera. Framsóknarflokkurinn hafi átt í góðu samstarfi við Jöhönnu Sigurðardóttur og í raun alla ráðherranna, þeir hafi ekki tekið þátt í bloggherferðinni. Hann segir ákveðin mistök fólgin í ummælum sínum í Fréttablaðinu, auðvitað eigi hann ekki við allan flokkinn, frekar hóp sem telur það flokknum til framdráttar að skrifa svona.

Svona hef ég nú upplifað þessi flokksbrot sem mynda Samfylkinguna.Blogg sumra forystumanna þar hafa ekki verið til eftirbreytni.