Gleðilegt nýtt ár.

Þá er þetta ár að enda. Margt sem það hefur boðið upp á, bæði gott og slæmt. Svona á heildina litið var þetta ágætt ár hjá mér. Samt svona smááföll, Eva velti jeppanum en sem betur fer slapp hún og Kristberg að mestu ómeidd. Árni bróðir lést stuttu fyrir jól og var það mikill missir. En svona að mestu leiti þokkalegt ár. Það var nóg að gera í Byrginu og nokkuð um blessanir og þá á ég ekki við í formi peninga eða bíla,það eru allt of margir frelsaðir sem sjá bara svoleiðis blessanir,en þær skila manni ekki langt. Það er meiri blessun í góðri heilsu,velgengi í vinnu og námi og svo mætti lengi telja. Það var mikið áfall þegar Kompás hreinlega tók Pastorinn okkar af lífi í beinni og lagði starf Byrgisins í rúst, ég segi eins og Jesús sagði á krossinum; Faðir fyrirgef þú þeim því þeir vita ekki hvað þeir gjöra. Enn og aftur er hefnd og reiði á ferðinni, en merkilegt hvað menn sigra sjaldan undir þeim merkjum,eða vita þeir þetta ekki. Ég hef ekki tekið þátt í þessari umræðu því sumt er ekki svaravert,látum heldur þá sem með valdið fara skera úr þessu en áttum okkur á því að sumt verður ekki bætt. En hvað um það, við vorum hjá afa og ömmu strákana um áramótin. Það var mjög fint og gott og mikið að borða. Svo var að sjálfsögðu skotið upp og að sjálfsögðu KR flugeldum, Siggi er mikill KRingur.

                                                             Jobbi