R listinn kominn í gírinn hækka það sem hægt er og.................

ef þeir eru spurðir eru svörin útúsnúningar enda sandkassafílingur í gangi.

 

Tillaga um að lækka fasteignaskatt felld

Það sem þú veist ekki um brjóstahaldara!!!!!!!!!!!

Brjóstahaldarar eru notaðir til að halda brjóstum stöðugum og lyfta þeim eða móta á annan hátt. Einnig segja sumir að brjóstahaldarar geti komið í veg fyrir að brjóstin sígi með aldrinum, en þetta er þó ekki vel staðfest.

Stórbrjósta konum finnst oft nauðsynlegt að vera í brjóstahaldara þar sem hann veitir stuðning og minnkar þannig álag á vöðva, en nokkuð algengt er að stór brjóst valdi konum bakverkjum eða öðrum óþægindum. Einnig er hægt að kaupa brjóstahaldara sem minnka brjóstamál kvenna.

Smábrjósta konur ganga yfirleitt einnig í brjóstahaldara jafnvel þótt brjóstin þurfi ekki aukinn stuðning. Flíkin er þá annað hvort eingöngu til skrauts eða notuð til að móta eða stækka brjóstin; til þess eru notaðir brjóstahaldarar sem fylltir eru með sérstökum púðum úr svampi, silikoni eða öðru mjúku efni.


.
Konur hafa í mörg þúsund ár notað klæði sem svipar til brjóstahaldara. Forngrískar konur reyrðu sumar brjóst sín með sérstökum linda til að halda þeim kyrrum, og konur á Krít til forna (fyrir um 4000 árum) notuðu lífstykki sem veittu brjóstum stuðning. Það er ekki svo gott að segja nákvæmlega hvenær nútímabrjóstahaldarar voru fundnir upp enda virðast þeir fremur hafa þróast út frá öðrum flíkum, svo sem lífstykkjum, heldur en að þeir hafi allt í einu komið fram á sjónarsviðið.

Árið 1859 fékk Henry S. Lesher einkaleyfi fyrir hugmynd sinni að furðulegri flík (sjá mynd fyrir neðan) sem leit helst út eins og hálfgerð brynja. Í henni voru brjóstapúðar sem hægt var að blása upp, en þeim var ætlað að styðja við brjóstin og „gera manneskjuna samhverfari og fallegri“.


Þessi undarlega flík var hálfgerður brjóstahaldari, en á henni voru einnig hólkar fyrir handleggina sem áttu að koma í veg fyrir svitabletti undir höndum.

Árið 1876 fékk kona að nafni Olivia P. Flynt einkaleyfi fyrir annarri flík sem var eflaust öllu þægilegri en brjóstapúðabrynja Leshers. Flynt kallaði flíkina brjóstahaldara (e. bust-supporter) og lýsir henni svo: „Þessi flík er sérstaklega ætluð dömum með stóran barm, og skal notast í stað lífstykkis; þannig mun hún tryggja fallegt form líkamans án þess að reyra hann eða á annan hátt skaða með því að þrengja að honum eða hefta“.* Brjóstahaldari Flynts var þó enn nokkuð ólíkur nútímabrjóstahaldara þar sem hann var ekki með hlýrum heldur stuttum ermum og líktist því helst eins konar magabol með brjóstastuðningi.

Heiðurinn að fyrsta alvöru brjóstahaldaranum er oft eignaður annað hvort Herminie Cadolle eða Mary Phelps Jacob. Umrædd flík Cadolles er frá árinu 1889 og kallaðist á frönsku 'le bien-être', eða 'vellíðunin'. Hún var tvískipt og var efri hlutanum gert að halda uppi brjóstum og styðja við þau. Mary Phelps Jacob á líklega síður þennan heiður skilinn, þó brjóstahaldarinn hennar (sjá mynd fyrir neðan) sé nokkuð líkur þeim brjóstahöldurum sem konur eiga að venjast í dag. Jacob fékk einkaleyfi fyrir slíkum brjóstahaldara árið 1914.
Á næstu áratugum þróuðust brjóstahaldarar enn frekar og farið var að framleiða þá í mismunandi skálastærðum og af alls konar gerðum. Nú eru til hlýralausir haldarar, saumlausir haldarar, fóðraðir haldarar, íþróttahaldarar, meðgönguhaldarar og gjafahaldarar, svo aðeins fátt eitt sé nefnt.

ja herna þá vitið þið það og til viðbótar kalla Hafnfirðingar þetta tvíburahúfur.

                                                                 Jobbi

Sami grauturinn í sömu skálinni.

Þetta er mikið notað orðatiltæki er fólk sýnir vantrú á einhverju,og ekki sýst er pólitík á í hlut. Rakst á þessa skemmtilegu sögu af Atla Graut sem er einn af forfeðrum Austfirðinga.

Frá Atla graut, eða Graut-Atla eins og hann er oftast kallaður, er sagt í Landnámabók. Þar kemur fram að bræðurnir Ketill og Graut-Atli, synir Þóris þiðranda, hafi farið úr Veradal í Noregi til Íslands og numið land í Fljótsdal. „Graut-Atli nam ina eystri strönd Lagarfljóts allt á milli Giljár og Vallaness fyrir vestan Öxnalæk.“

Í Landnámu eru þeir bræður taldir meðal stærstu eða göfugustu landnámsmanna í Austfirðingafjórðungi. Giskað hefur verið á að með upptalningu göfugustu landnámsmanna sé átt við að þeir hafi verið forfeður goðorðsmannaætta Íslendinga. Þó er ekki hægt að rekja ættir goðorðsmanna í karllegg til Atla heldur til Ketils bróður hans. Karlleggur skiptir hér meira máli en kvenleggur vegna þess að karlar einir gátu orðið goðar.

Þá er Atli grautur nefndur í upphafi Droplaugarsona sögu, og segir þar að bræðurnir hafi fyrst átt bú saman á Húsastöðum í Skriðdal. Síðan hafi þeir selt það og keypt land í Fljótsdal, Atli „fyrir austan fljótið upp frá Hallormsstöðum, er nú heitir í Atlavík, og bjó þar til elli. En nú eru þar sauðhúsatóftir.“ Í Þorsteins sögu hvíta kemur líka fram að Atli hafi búið í Atlavík og þar sögð vera sauðhús.

Til er afar rækileg könnun hjónanna Haraldar Matthíassonar og Kristínar Ólafsdóttur á því hvernig frásagnir af landnámsmönnum koma heim við staðhætti. Haraldur segir að frásögnin af landnámi Atla sé nákvæm og örnefnin Gilsá, Vallanes og Uxalækur* enn alþekkt. Í Atlavík segir Haraldur vera allmiklar rústir.
Meðal fræðimanna er mikill ágreiningur um hvort þessar frásagnir sanni að menn eins og Atli hafi verið til í raun og veru. Þórhallur Vilmundarson prófessor emeritus hefur sett fram svokallaða náttúrunafnakenningu, að nöfn landnámsmanna séu iðulega búin til eftir örnefnum, gagnstætt því sem haldið er fram í Landnámu. Samkvæmt því ætti nafn Atla að vera dregið af örnefninu Atlavík, hvernig sem það kann að vera til komið. Á hinn bóginn er engan veginn útilokað að sagnir af landnámsmanninum Atla hafi varðveist uns þær voru skrifaðar niður í upphaflegri gerð Landnámu, um tveimur öldum eftir daga hans.

Í fornsögum eru raktar ættir frá Atla til mikils háttar manna. Sonur Atla hét Þórir, dóttir Þóris Ásvör, móðir Brodd-Helga á Hofi í Vopnafirði. Sonur Helga var Bjarni, faðir Yngvildar sem var móðir Guðríðar, móður Jóreiðar, móður Ara fróða. Miklar líkur eru á að Ari hafi komið að því verki að safna um landnámsmenn sögnum sem urðu síðar að þeirri Landnámabók sem við eigum varðveitta. Að minnsta kosti var örugglega byrjað á því verki á ævidögum Ara. Við getum því sagt að höfundar Frum-Landnámu hafi verið í áttunda ættlið frá Graut-Atla.

Engar sögur fara af því hvers vegna Atli var kenndur við graut. En víða kemur fram í sögum að ekki þurfti alltaf mikið tilefni til að menn fengju viðurnefni. Lesendur geta sjálfir spreytt sig á að geta sér til um ástæðu þess að Atli fékk viðurnefni sitt.

                                                               Jobbi

Stutt í það,að bankarnir hér lendi í þessu.

Alveg furðuleg pólitík hér þegar bankarnir hér telja sig vera að tapa,þá hækka þeir vextina sína og stilla fólki upp við vegg,samanber íbúðalánastefnu bankana nú.Er það svarið er illa gengur,að koma fólki í vanskil með tilheyrandi kostnaði og jafnvel uppboðum?Er ekki betra að fólk geti borgað,margir eru á nippinu og smá hækkun getur gert út af við það.

                                                                               Jobbi

Bank of America afskrifar 3 milljarða dala

Nú er bara að fylgja þessu eftir.

Gerrard heldur þessi á floti.

Liverpool lagði Fulham, 2:0

Aftökur á Íslandi.

Böðullinn sem hjó Jón Arason biskup á Hólum og syni hans tvo, Ara lögmann og séra Björn á Melstað, 7. nóvember árið 1550, var íslenskur og hét Jón Ólafsson.

Norðlenskir hefndu þeirra feðga árið 1551. Í Setbergsannál segir:

Þegar þeir norðlenzku riðu frá Kirkjubóli eftir hefnd fyrir þá feðga, fundu þeir böðulinn, sem þá feðga líflét í Skálholti og hét Jón Ólafsson. Hann tóku þeir á Álftanesi og héldu í sundur á honum túlanum og helltu svo ofan í hann heitu blýi. Með það lét hann líf sitt, en þeir riðu síðan norður. (Ann. IV. 63)

Í annarri heimild er sagt að norðlenskir hafi hellt heitu biki, en ekki blýi, ofan í Jón böðul sem í sumum heimildum er nefndur „herfileg kind“ og „drengtötur.“
Oft urðu þeir menn böðlar sem gerst höfðu sekir um smáglæpi og ef til vill hefur það átt við um böðul biskupsins á Hólum. Í Setbergsannál segir frá Guðlaugi sem hafði stolið úr búðum danskra árið 1640. „Þar eftir fékk hann eða var tekinn fyrir böðul.“ (Ann.IV.89) Og í Eyrarannál er þess getið að árið 1671 hafi strákur verið strýktur í Skagafjarðarsýslu fyrir þjófnað. Hann fékk „60 högg og lofaði að verða böðull.“ (Ann.III.298)

Fyrr á öldum var var hálshöggning algeng refsing á Íslandi fyrir stórglæpi eins og morð og dulsmál, þar sem fæðingu barns var leynt og það síðan deytt. Þessari refsingu var þó nær eingöngu beitt gegn karlmönnum en konum var drekkt fyrir dulsmál. Sakamenn voru hálshöggnir með handöxi og höfuð þeirra stundum sett á stengur öðrum til viðvörunar.

Dæmi eru um það að fyrir aftökur hafi hinir dæmdu verið handhöggnir, þeir klipnir með glóandi töngum eða limamarðir. Fjöldamorðinginn Axlar-Björn sem tekinn var af lífi árið 1596 fékk hrottalega meðferð. Hann var „limamarinn með sleggju, sundur stykkjaður og síðan afhöfðaður og festur upp á stengur.“ (Ann.IV.74)

Svo virðist sem böðlar á Íslandi hafi ekki alltaf verið stétt sinni til sóma. Í Skarðsárannál segir frá aftöku Björns Þorleifssonar árið 1602:

Tekinn af á alþingi Björn Þorleifsson fyrir kvennamál og svall, fékk góða iðran. Biskupinn herra Oddur áminnti hann sjálfur. Hann kvaddi menn með handabandi, áður sig niður lagði á höggstokkinn, og bauð svo öllum góða nótt. Var hann með öllu óbundinn. Jón böðull, er höggva skyldi, var þá orðinn gamall og slæmur og krassaði í höggunum, en Björn lá kyr á grúfu, og þá sex höggin voru komin, leit Björn við og mælti: Höggðu betur, maður! Lá hann svo grafkyr, en sá slæmi skálkur krassaði ein 30 högg, áður af fór höfuðið, og var það hryggilegt að sjá. (Ann.I.187)

Eftir aftöku Björns voru yfirvöld áminnt um að hafa örugga menn í böðulsstarfi svo að landið yrði ekki að spotti.

Já svona var þetta og er hryllilegt að hugsa til þess kvað menn kvöldust áður en þeir létu lífið.

                                                                        Jobbi

Á hvaða lyfjum er blessaður maðurinn?

Það vantar ekki stóryrðin og sjálfshólið frekar en fyrri daginn hjá Guðna.Skritið að þessi flokkur sem kemst fyrir í kústaskáp í dag skuli ekki hafa meira fylgi.

                                                          Jobbi

Guðni: Forsætisráðherra er daufur og sinnulaus

ÚFF svo kallalegt-svo glatað!

Ég hef alltaf verið samferða ívið eldri mönnum,svona cirka 10 árum eldri en ég. Kannski vegna þess að ég byrjaði snemma til sjós þar sem allir voru eldri en ég.Að sjálfsögðu lærði ég mikið af þeim bæði gott og slæmt eins og gengur til sjós en þar var ég í 17 ár.Ég fór að vinna við bílasprautun 1996 og sótti námskeið í því fagi og er talin góður bílamálari. En það var alltaf þessi 10 ára munur í gangi.Sá sem ég var að sprauta fyrir í nokkur ár er í Oddfellow og bauð mér inngöngu,en það fannst mér bara veri fyrir eldri menn,einnig bauð hann mér í kirkjukór Keflavíkur og það fannst mér enn verra.Ég 35 0g hann 50 ára,mér fannst ég svo ungur. Hvað um það í dag er ég í karlakór Hreppamanna sem gefur út cd,tekur þátt í kóramótum,fer erlendis og mikið félagsstarf í gangi.Finnst þetta í lagi núna,er eitthvað sem breytist er maður verður 45?það held ég satt að segja fannst mér þetta hálf kjánalegt fyrst er ég var plataður inn í þennan kór af vini mínum sem er fimmtugur,en þetta er svo gaman. Ég hef bara verið of lengi að henda af mér táninginum,eða hvað haldið þið?.Og í kvöld er karlakvöld hjá kórnum og MIG hlakkar til,ég trúi þessu ekki.

                                                                      Jobbi

Landráðamenn með tilræði við almúgann.

Á einni viku hafa bankar og olíufélögin sett afkomu margra í mikil höft. Það er með eindæmum hvað þessir höfðingjar sem þar stjórna eru ófyrirleitnir. Það er stór munur á því að vera með 1 miljón+ eða 200 þúsund á mánuði þegar svona tilræði fer í gang. Þess vegna segi ég að þetta eru landráðamenn,nú er framundan tími þrenginga,vanskila og uppboða hjá þeim sem minna meiga sín. Hvar er Jóhanna? er hennar tími ekki komin?

                                                                           Jobbi

Eru olíufélögin beintengd við borpalla?

Það mætti halda það.´Hér hækka þau jafnóðum og tunnuverðið hækkar á markaðinum,en þau eiga nú eftir að kaupa þessa olíu eða er það ekki? Ég veit allavegana það að það kemur ekki olíuskip hér daglega og við því að borga eldri kaup þeirra á verði heimsins í dag. Ef til eru glæpamenn í viðskiptum þá eru það olíufélögin,þau eru held ég orðin verri en tryggingafélögin. Hvað skyldi vera langt í 150 kallinn per líter?

                                                                       Jobbi

Eldsneyti hækkar annan daginn í röð