Smá tölfræði Íslenska landsliðsins.

 Það sést best á þessu hvað liðið er veikt án Eiðs og að einn maður skiptir miklu máli í svona hóp.En jafnframt gaman að vita til þess að það geta fleiri skorað enda timi til kominn.

 

Sigur knattspyrnulandsliðsins á Armenum á miðvikudagskvöldið var ekki aðeins fyrsti sigurinn undir stjórn Ólafs Jóhannessonar heldur einnig fyrsti sigurleikur liðsins án fyrirliðans Eiðs Smára Guðjohsen frá árinu 2001, eða í rúm sjö ár.

Fyrir leikinn gegn Armenum var íslenska landsliðið nefnilega búið að spila 21 leik í röð án Eiðs Smára án þess að vinna.

Tryggvi Guðmundsson tengist tímamótunum í báða enda því hann skoraði þrennu gegn Indverjum í síðasta sigurleik landsliðsins án Eiðs Smára og það var síðan hann sem kom íslenska liðinu yfir á móti Armenun.

Tryggvi skoraði öll þrjú mörkin í 3-0 sigurleik á Indlandi 13. janúar 2001 en síðan hafði íslenska landsliðið gert 9 jafntefli og tapað 12 leikjum án Eiðs Smára.

Á sama tíma hafði íslenska landsliðið aftur á móti unnið 13 af 40 leikjum (og gert 4 jafntefli) með Eið Smára innanborðs. Á þessum tíma er hlutfallsárangurinn 21,4 prósent án Eiðs Smára en 37,5 prósent með hann innanborðs. Markatalan var 9-35 án hans en 57-78 með Eið í liðinu.